ក្មេងស្ទាវ២ក្រុមទំនាស់ពាក្យសំដីណាត់កាប់គ្នាបណ្តាលរបួសទាំងសងខាង អាវុធហត្ថចាប់បាន៧នាក់
29-July-2019 | ដោយ ពលមនសិការ
បន្ទាយមានជ័យ៖ ក្មេងស្ទាវ២ក្រុមទំនាស់ពាក្យសំដីណាត់កាប់គ្នាបណ្តាលរបួសទាំងសងខាងចាប់បាន៧នាក់ ត្រូវបានបញ្ជូនសាលាដំបូងខេត្តចាត់ការតាមច្បាប់នៅថ្ងៃទី២៨ខែកក្កដា ឆ្នាំ២០១៩។
លោកវរសេនីយ៍ត្រី យ៉ាន់ សុវណ្ណ មេបញ្ជាការកងរាជអាវុធហត្ថ ក្រុងសិរីសោភ័ណ បានប្រាប់ថា៖ជនសង្ស័យទាំង៧នាក់មាន១.ឈ្មោះ អាត សេរី ភេទប្រុស អាយុ២២ឆ្នាំ ២.ឈ្មោះ សារួន សែនសារី ភេទប្រុស អាយុ២៣ឆ្នាំ ៣.ឈ្មោះ អោក គឹមលៀង ភេទប្រុស អាយុ១៨ឆ្នាំ ៤.ឈ្មោះ ហ៊ុន សៀងហន ភេទប្រុស អាយុ១៨ឆ្នាំ ៥.ឈ្មោះ យក់ យួន ភេទប្រុស អាយុ១៧ឆ្នាំ ៦.ឈ្មោះ ឈួន សាម៉ន ភេទប្រុសអាយុ២០ឆ្នាំ ៧.ឈ្មោះ ឈូយ សុភា ភេទប្រុស អាយុ១៨ឆ្នាំជនសង្ស័យទាំងនេះរស់នៅក្រុងសិរីសោភ័ណ។
លោកបានបញ្ជាក់ថា៖នៅពេលចាប់ខ្លួនជនសង្ស័យគឺកម្លាំងកងរាជអាវុធហត្ថក្រុងសិរីសោភ័ណបានទទួលព័ត៌មានពីប្រជាពលរដ្ឋមានក្មេងស្ទាវ២ក្រុមប្រមាណជិត១០នាក់បានកាប់គ្នាបណ្តាលរបួសនៅមុខរោងចក្រកាត់ដេរ(ស៊ីសូផុន.TK)នៅវេលាម៉ោង៦យប់ថ្ងៃទី២៥ ខែកក្កដា ឆ្នាំ២០១៩ស្ថិតភូមិដីឡូតិ៍ សង្កាត់ទឹកថ្លា ក្រុងសិរីសោភ័ណ។
លោកវរសេនីយ៍ត្រី យ៉ាន់ សុវណ្ណ បានបញ្ជាក់ថា៖ក្រោយទទួលព័ត៌មានហើយដោយដោយដាក់វិធានការពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តហើយលោកបានដឹកនាំកម្លាំងជំនាញចុះអន្តរាគមន៍ភ្លាមៗចាប់បានចំនួន៧នាក់ នឹងកាំបិតសាំម៉ូរ៉ៃចំនួន២ដើមហើយមានរបួសធ្ងន់ម្នាក់ចំប្រអប់ឆ្វេងហើយចាប់បញ្ជូនមកទីបញ្ជាការដ្ឋានកងរាជអាវុធហត្ថខេត្តដើម្បីធ្វើការសាកសួរតាមចម្លើយជនសង្ស័យបានសារភាពគឺមូលហេតុដែលពួកគេកាប់គ្នារបួសទាំងសងខាងនោះគឺបណ្តាលមកពីទំនាស់ពាក្យសំដីហើយណាត់កាប់គ្នានៅមុខរោងចក្រកាត់ដេរបណ្តាលរបួសទាំសងខាងហើយត្រូវសមត្តកិច្ចចាប់ទៀត។
លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបានបញ្ជាក់ថា៖ក្រោយពេលកម្លាំងកងរាជអាវុធហត្ថក្រុងសិរីសោភ័ណ ចាប់បានជនសង្ស័យចំនួន៧នាក់និងកាំបិតដាវសាំម៉ូរ៉ៃចំនួន២ដើមនេះដែលក្រុមក្មេងស្ទាវទាំង២ក្រុមនេះបានកាប់ចាក់គ្នាបណ្តាលរបួសហើយបង្កសន្តិសុខត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ7021
- ម្សិលមិញ14181
- សប្តាហ៍នេះ7021
- ខែនេះ122171
- ឆ្នាំនេះ122171
- សរុប20564627